Image by Peter DavisUdi re udi.. dekho patang udi ,
koi rang birangi wali,
to koi berang udi.
Aao jhoome nache gayein jaise,
Mann ki dor se bandhi
mann matang udi.
Swachhand ithlati fire
khule akash me,
Lage mil gya hai wo
thi jiske talash me.
Ab na koi roke,
Ab na koi toke,
Lachak rahi hai jaise
Koi ghariyal ghadi.
Unchi hi unchi
wo udti hi jaye,
Kabhi jaye dayen
to kabhi bayen jaye.
O o re dekho,
Jara ra sambhlo,
Dhoom macha rahi hai jaise
Koi hurdang me khadi.
Hai... ye kya..?
Kat gayi patang hai
fir bhi balkha rahi,
Jaise sagar k tal pe
kai sipiyan lehra rahi.
Jeevan bhi hai
ek patang yaaro,
dor hai uparwale k hath,
Jiyo ji bhar k jindagi,
na jane kab
ye chhor jaye sath.
Mitti me mil gayi patang,
Ab sirf manjha
aur charkhi padi.
- somya harsh
15.08.2010
© 2010 SOMYA HARSH,. all rights reserved
